ԱՀ ԱՆ. Հայտարարություն. «Արձագանքման մատյան»։

ԱՀ առողջապահության նախարարությունը իրազեկում է հանրապետության բնակչությանը, որ բժշկական օգնության և սպասարկման որակի բարելավման նպատակով, քաղաքացիների և բուժանձնակազմի կողմից առաջարկությունների և դիմում-բողոքների ընդունման, քննման (ուսումնասիրման, պատճառների բացահայտման) և տվյալ հարցի շուրջ որոշման կայացման համար, այսուհետ ԱՀ առողջապահության նախարարության ենթակա բոլոր բժշկական հիմնարկներում գործելու է «Արձագանքման մատյան»։

Մատյանները տեղադրված են քաղաքացիների համար տեսանելի և հասանելի վայրում և յուրաքանչյուր ոք կարող է հանդես գալ դիմում-բողոքներով կամ առաջարկություններով։ Դիմում-բողոքները և առաջարկությունները պետք է ստորագրված լինի՝ նշելով դիմումատուի ազգանունը, անունը, հայրանունը, բնակության վայրը և հեռախոսահամարը։ Առանց հիշյալ տեղեկությունների՝ դիմում-բողոքը կամ առաջարկությունը համարվելու է անստորագիր և չի քննարկվելու։

Հարցեր, պատասխաններ, մեկնաբանություններ